ہماری ٹیچر کہا کرتی تھیں ہر شخص سے اس کی حاکمیت کے متعلق سوال ہوگا جس کے پاس جتنی زیادہ دولت، نعمتیں ہونگی اس سے اتنے ہی سوالات کیے جائیں گے.جب انسان عزت کو بوتل میں پڑے ہوئے جوس جیسے سمجھے گا تو اسے یاد رکھنا چاہیے کہ جوس کی بوتل خالی ہونے پر اکثر پھینک دی جاتی اسے آپ چاہ کر بھی دوبارہ اسی جوس سے نہیں بھر سکتے.... البتہ آپکو نئی بوتل دوبارہ خریدنی پڑے گی لیکن آپ عزت دوبارہ نہیں بنا سکتے.....
میں نے اکثر ریلیشن شپ میں لڑکیوں کو روتے دیکھا ہے یہاں بات یونیورسٹیوں میں بنے ریلیشن کی ہورہی ہے زیادہ تر لڑکیاں محبت اور ہوس کا فرق نہیں جان پاتی اور اپنی عزت خود دوسروں کے ہاتھوں روند کر ساری زندگی اس داغ کو اپنے ساتھ لے کر چلتی ہیں
اس کا حل یہ ہی ہے کہ اپنے آپکو باہر کے ماحول میں سخت دل بنائیں کوئی آپکے اتنے قریب ہی نہ آسکے کسی کے لیے دل میں فیلنگز تب پیدا ہوتی ہیں جب آپ کسی کے بارے میں سوچتے ہیں اس کی باتوں کے متعلق سوچتے ہیں جو مکمل ٹریپ ہوتی ہیں یونیورسٹیوں میں زیادہ تر لڑکے یہ ذہن لے کر آتے ہیں کہ یہاں ہم صرف ٹائم پاس کرنے آئیں ہیں اور آجکل ان میں لڑکیاں بھی شامل ہیں..... عورت کے حقوق مردوں سے زیادہ ہیں لیکن انہیں بدقسمتی سے ملتے بھی نہیں ہیں اور اکثریت لینا بھی نہیں چاہتی..... کوئی لڑکی ریلیشن شپ کے نام پر گندگی کے ڈھیر میں گھس کر کسی غیر مرد کے ساتھ ناجائز تعلق قائم کرے گی تو کیا پھر آپکو کوئی بھی نظر، کوئی بھی زبان آپکے لیے اچھا بول سکے گی؟ .... لوگ گشتی، رنڈی اور نجانے کون کون سی اصطلاحات استعمال کریں گے..... جو آپکو اپنا محرم نہیں بنا سکتا آپ کیسے سوچ سکتے کہ وہ آپ کو ایسے استعمال کرکے اپنے دوستوں کی محفل میں خاموش رہے گا یہ کیسی محبت ہے جو آپکو ماں باپ کی نظروں سے اوجھل کسی ہوٹل کے کمرے میں ثابت کرنی پڑے.... اگر ایسا کوئی چاہتا بھی ہے تو اس سے دور رہیں.....
ہمارے ہاں اگر لڑکی ایسی غلطی کردے تو یہ بات جنگل میں آگ کی طرح پھیلتی ہے اس کا بریک اپ ہوگیا ہے اب تو میں اپلائی کروں گا.... خدارا کسی کے لیے آسانی نہیں بن سکتے تو اس کے لیے مشکل بھی مت بنو....
جس لڑکے نے غلط کیا ہے اسے شرم دلوائی جائے ہمارا رویہ یکساں کیوں نہیں ہے دونوں نے باہم رضا مندی سے یہ سب کیا لیکن لڑکے دھل کیوں جاتا ہے بس بات یہ ہی ہے کہ جس کے پاس جتنے اختیارات ہونگے اسے اتنا ہی احتیاط سے قدم رکھنا ہوگا.... مرد عورت کا محافظ ہوتا ہے لیکن یاد رکھیں یہ محافظ آپکا باپ اور آپکے بھائی ہی ہوتے ہیں اس کے علاوہ مرد کا بچہ بہت مشکل سے ملتا ہے جو آپکو اپنے نکاح میں لے کر رشتہ قائم کرتا ہے.......
ایک تبصرہ شائع کریں